📣 ილიას სახელმწიფო უნივერსიტეტისა ტექმეწარმეობისა და ინოვაციების განვითარების ცენტრის, პრეაქსელერატორ Zoomout-ისა და Startup Grind-ის საუნივერსიტეტო წარმომადგენლობის ორგანიზებით 13 ნოემბერს, 20:00 საათზე გაიმართება საჯარო შეხვედრა თემაზე “W.A.S.D. - ყველაფერი ვიდეოთამაშების შესახებ”.

🚀 აღნიშნული შეხვედრა იმართება გლობალური მეწარმერმეობის კვირეულის ფარგლებში.

⭕ ილიას სახელმწიფო უნივერსიტეტი მე-8 წელია უერთდება გლობალური მეწარმეობის ქსელის (GEN) ინიციატივას და მონაწილეობს გლობალური მეწარმეობის კვირეულში, რომელიც მთელი მსოფლიოს მასშტაბით აღინიშნება. კვირეული 170-ზე მეტ ქვეყანაში იმართება. მისი პარტნიორია 20000-ზე მეტი ორგანიზაცია. კვირეულის ფარგლებში მსოფლიოს მასშტაბით 35 000-ზე მეტი ღონისძიება იგეგმება, რომლებშიც 10 მილიონზე მეტი ადამიანი მონაწილეობს.

🔴 13 ნოემბრის შეხვედრის მიზანია მოწვეულ სტუმრებთან ერთად მოვისმინოთ თამაშების ინდუსტრიის მასშტაბების შესახებ, გავიგოთ მეტი თუ როგორ შეიძლება დამწყები თამაში იქცეს გლობალურ პროდუქტად.

🟥 ღონისძიებაზე მომხსენებლები ქართული და უცხოური გარემოს მაგალითზე მიმოიხილავენ, რა პროცესები მიმდინარეობს თამაშების ეკოსისტემაში, ისაუბრებენ გამოწვევებზე და გაგვიზიარებენ საკუთარ გამოცდილებას.

👥 მომხსენებლების შესახებ:

⬛ ლუკა კვირიკაშვილი- ქართული თამაშების კომპანიის Dasi Games-ის დამფუძნებელი. პროფესიით გეიმ დიზაინერი, წარსულში მუშაობდა Sony-ს კომპანია Guerrilla Games-ში ბრძოლის სისტემების დიზაინერად და Chimpworks Games-ში პოპულარული მობილური თამაშების პროექტების მენეჯერად.

⬛ გიორგი ჭყრუნიშვილი- თამაშების დეველოპერული სტუდიის, AnimatronX-ის დამფუძნებელი. მას აქვს 5 წლამდე გამოცდილება თამაშების ინდუსტრიაში და ამჟამად ჩართულია კომპანიის შიდა და გარე მენეჯმენტში.

⬛ საშა შაფათავა- საშა ძირითადად ქართული თამაშების მწარმოებელი კომპანიასთან Happy Bat ასოცირდება, სადაც კარიერა დაიწყო, როგორც მარკეტინგის მენეჯერმა. მისი გამოცდილება მოიცავს ქართულ Gamedev სცენაზე ერთ-ერთი ყველაზე წარმატებული PR კამპანიის ჩაშვებას. დროთა განმავლობაში იგი გახდა ჯერ პროდუსერი, ხოლო 2022 წლიდან კომპანიის CEO-ს სტატუსით გვევლინება.

🗣️ შეხვედრას მოდერაციას გაუწევს: თორნიკე ანდრიაძე- Gamedev და esports ღონისძიებების (Tbilisi Digital Expo, Gamejam, Esports.ge, Launch Cups) ორგანიზატორი 10+ წლიანი გამოცდილებით, გეიმინგ მედია ჯგუფის Venatus-ის ერთ-ერთი სახე, ორგანიზაცია Gameplan-ის დამფუძნებელი, HighwayVFX-ის პროდუსერი და ზოგჯერ იუთუბერიც.

👉 თუ გაინტერესებს თამაშების ინდუსტრია, ზოგადად როგორ კეთდება ვიდეო თამაშები და როგორ შეიძლება იქცეს გლობალურ პროდუქტად, მაშინ აუცილებლად უნდა დარეგისტრირდე.

📎 სარეგისტრაციო ბმული: https://forms.gle/emGL12RMz8tMQXGc6

🔺 გთხოვთ რეგისტრაცია გაიაროთ 13 ნოემბერს, 17:00 საათამდე.

🌐 სამუშაო ენა: ქართული

📆 დრო: 13 ნოემბერი, 20:00 საათი

📍 ადგილმდებარეობა:ილიას სახელმწიფო უნივერსიტეტი, G კორპუსის საკონფერენციო დარბაზი, 106 აუდიტორია, გიორგი წერეთლის ქ. N1